الرئيسية
من طرف لما تلاقي مدرسة الفصل تقولك احنا عاوزين نزين الفصل كل واحد يدفع خمسة جنية(علي فكرة انا مش ضد ا التزيين في حد ذاتة انا ضد ال5جنية في حد ذاتها برضة)
2_لما تلاقي المشرفة الاجتماعية برضة في الابتدائي تبقي انت عامل طلب اعفاء من المصروفات وتقولك(الطلب ب20 جنية)
3_لما تلاقي الاشتراك في جماعة الكشافة اللي هي كلها نظام والتزام(احنا في غني عنة)بفلوس او اسم دلع (اشتراك)
4-لما تبقي عاوز تنقل من مدرسة الي مدرسة اخري تلاقي مدير المدرسة الجديدة وقد تحول الي تاجر جملة وبيقايض ابوك (عاوزين مراوح سقف وكمان مسحات ومقشات وطباشير ملون وكمان عاوزين بنس شعر لابلة فهيمة)
5_لما تلاقي مدرس الفصل بيحبك وبيحترمك وكمان بيقدرك وعلشان بيحبك لازم انت كمان تحبة ازاي ياولاد اجيبلة كل يوم عليبة طباشير ملون (صباخ الاستغلال والصياعة في ان واحد)
6-لما تلاقي المجموعة العادية ب10 جنية و80 قرش (لازم ال80قرش دول)وتبقي الساعة 6 الصبح وتروح تلاقي الفصل كلة مجموعة عادية(احلي مصالح علي فقايا)
7_لما تلاقي المجموعة المتميزة ب(30جنية وا ربعين قرش ) وتلاقي الاستاذ بتاع المادة ياخدك علي جنب وانت بتسجل اسمك فيها (الدرس ب40 جنية ياعبيط)
8_لما تسال الاستاذ اللي اخدك علي جنب (محدش يفهم غلط)هيالمجموعة المتميزة كام فرد ؟؟ يقولك لازم تكمل 8 افراد علشان (حصتي منها) طيب والدرس ابو(40 جنية) يقولك لا موش بيزيد عن 12 فرد
9-لما تلاقي عندك في عيد الام كذ ام ،بواقع هدية لكل ام (ساعتها تسال نفسك لو كان ابويا فعلا اتجوز دول كان هيدفع قد اللي انا بكعة عليهم كامهات افتراضيين)
10_تدخل الثانوية العامة العبث كلة يامعلم وتعرف قد اية انت بتتعلم ببلاش في بلدك انما لوقصدك علي الحملات الاعلاتنية بتاعة المدرسين في الثانوية(تضاهي حملات تهامي ووديع)
11_اولاد عم الليثي كلهم مدرسين واليك باقة من ابداعهم في جر رجل الزبون(الطالب سابقا)
محمد اللثي امبراطور الليل في الفلسفة
احمد الليثي ملك ملوك الجان في الكيمياء
سيد الليثي امير البحار وعالم من علوم الجيولجيا
الليثي الليثي صاخب رفا علي ناصية الشارع ومدرس فيزياء
12_لما تلاقي المدرس في الثانوية العامة بيتعامل معاك زي ما سواق الميكروباص يبتعامل بالضبظ (الدرس لابد يكمل 12 فرد والدفع قبل ما نطلع من الموقف )اقصد قبل الدرس
13_لما تلاقي حصيلة اللي انت دفعتة في سنتين دروس فقط (5000جنية)علي 16 شهر اتحداك اتحداك لو انت اشتغلت بالشهادة بتاعتك وعرفت تحوش في 20 شهر0 500 جنية
14- لما تدخل الكلية وتلاقي الفرق بين الانتظام والانتساب في المصروفات فرق رهيب جدا يحسسك ان اللي حاطط المصروفات ديت وزير المالية كانها ضرائب هي كمان
15_مع ان الفرق بين الانتساب والانتظام علميا 10 او12 درجة بس انما الفرق ماديا يعمل تفرقة عنصرية بين ابناء الجامعة الواحدة والكلية الواحدة
يعني مصروفات الانتظام 200 جنية باحترامهم اما الطلب المنتسب ابن كلب فاشل لازم يدفع بتاع 700 او 800 جنية في السنة الواحدة
16_ لما تلاقي دكتور المادة منزلها في كتابين كل كتاب فيهم فوق ال100 ورقة وتلاقي المراجعة بتاعتها اقل من 40 ورقة في كل كتاب وانت مجبر تجيب الكتب علشان الدكتور يرضي عنك ولانة حاجة رسمية ادام ابوك انك بتذاكر من الكتب وكمان مضطر انك تجيب المراجعة النهائية علشان انت معرفتش تذاكر من الكتب اساسا
17-لما تلاقي البحث في الكلية بتاعتك بتعملة وتدفع فية وتلم انت واصحابك فلوس بالعبيط للبحث وفي الاخر يروح عند الدكتور البيت او في مكتبة الكلية(اية بقي الفايدة منة)(هو زويل هج من شوية)
18_لو انت معاك مواد وطالع بيها مسيبكوش في حالك لا لازم تتعاقب بمذاكرتها وكمان تتعاقب باتاوة(50 جنية علي كل مادة)ل
19_لو انت نازل ب4 مواد يعني ساقط خالص هتدفع ياروح خالتك 50 جنية علي كل مادة (دي مش اتاوة دي حلاوة روح )وكمان هتدفع مصاريف كليتك كانك ناجح
الواحد لو مكانش مؤدب كان قفل المقال دة بحركة اسكندرانية شهيرة جدا جدا وكمان بتتعمل بالفم
منقول
[ندعوك للتسجيل في المنتدى أو التعريف بنفسك لمعاينة هذا الرابط]
